Nov 302012
 

By Bob Smith.


A committee made up o MSPs
Hiv said winfairms hinna indeed
Geen an connacht the tourism
Aawye north o the River Tweed
.
Thon “World Expert in Tourism”
A mannie bi the name o Trump
Is said tae be spittin mad
Nae doot he’ll tak the hump
.
His he noo lost the battle?
Ower the turbines tae be built
Lit’s hope he ups an waaks awa
Wi a claymore stuck “up his kilt”
.
Nae been a gweed time fer Donald
Things  hinna lately geen his wye
Barack Obama still is the President
So at near aabody Trump lit fly
.
He tweeted fowk he thocht wid listen
“Mairch on Washington”wis his yammer
Some fowk thocht iss wis fair revoltin
Wintin Donald thrown in the “slammer”

An American chiel named Carusone
His petitioned yon American store
Tae dump aa Trump’s brand goods
Askin Macy’s  tae show him the door
.
Ower half a million hiv already signed
Some are boycottin Macy’s stores
Wull the COE hae tae buckle
If fowk picket ootside the doors
.
The Donald nae lang syne
Thocht Chinese goods war crap
Orders tae mak his “signature “brand
Hiv noo landit in China’s lap
.
Nae doot he’ll mak a muckle profit
If lower wages are pyed in China
An sells his “Trump” suits an ties
Fae New York tae Sooth Carolina
.
Faar dis iss leave The Donald
Fin here an America fur dis fly
Wull the chiel jist pack his bags
An tae Trump we can say bye bye 

©Bob Smith “The Poetry Mannie” 2012