Nov 232012
 

By Bob Smith.

O fit a stramash wis on twitter
Cooncillors made theirsels look feel
Tryin tae be affa clivver
Wi tweets fae chiel tae chiel

Awa an growe up is ma cry
Yer supposed tae be worthy o votes
An nae behaving like numpties
As tho ye war ill-trickit goats

Bit then again they’re cooncillors
Fit mair div we really expect
Aye sneerin an snarlin at each ither
An nae showin ony bliddy respect

Ye buggers – fowk did elect ye
Tae dee fit’s best fer us aa
Nae struttin aroon like bubblyjocks
Or cocks fa like tae craw

Aa  yer postins on twitter
Wis aneuch tae mak fowk greet
A wis remindit aboot a freen
Fa thinks only twits div “tweet”

©Bob Smith “The Poetry Mannie” 2012