|
There’s ti be a public inquiry
Aboot a new brig ower the Don
Fit raised a puckle objections
Fae the residents o Tillydrone
Noo its thocht that maybe CPOs
Micht be used ti pinch fowk’s lans
A fair fyow bits o gairdens
Wid be teen oot o their hauns
As weel as kickin up a stink
Aboot the use o thae CPOs
Fowk in Tillydrone an Widdside
Are feart faar the traffic flows
Cars an larries fae aff the brig
Wull roar bye hoose front doors
Nae a thocht fer folkies wellbein
As the car coont it fair soars
|
Eence they bigg mair hooses
Oot ower the Brig o Don wye
A fowerth brig crossin the river
Wull nae doot bi the cry
Noo here’s a thocht ma freens
An iss we jist maan speir
If aa iss happened near Rubislaw Den
Wid plans git oot o first gear?
Support the fowk fae Tillydrone
Tell the planners ti back aff
Eence mair some in iss toon
Are threatened wi plans richt naff
.
.
.
©Bob Smith “The Poetry Mannie” 2011
|
