You searched for Bob Smith - Page 7 of 26

You searched for Bob Smith - Page 7 of 26 - Aberdeen Voice

The Barn Dunce

Aberdeenshire, Creative Writing No Responses »

Apr 082014

By Bob Smith.

The barn wis wash’t and scrubbit doon
A job ower hard for ae wee loon
Seen aa the fleer wis fine an clean
Ready for a dustin o slipperene

Neipers an freens fae aa aroon
Cam doon the road ti wir fairm toon
There ti hae a dunce an celebrate
The hinmaist shaif throwe the cornyaird gate

There wis streamers hingin fae the roof
As roon the fleer the fowk did hoof
Gay Gordons, waltzes and foxtrots
Maist fowk wis swatin lots an lots

Music wis provided by twa chiels
Aabody got up fer an eichtsome reel
Syne fin they needed a wee bit rest
Samplin the food they did wi zest

Pies sandwiches an scones wi jam
Teas lemonade or maybe a dram
We aa sat aroon an hid a blether
Aboot the price o coos or the affa wither

Time ti gyang hame aroon een o clock
Some fowk in the mornin wid hae ti yoke
The horse up ti the sma box cairt
Fin gaitherin neeps they micht hae ti stairt

The Legacy O John Muir

Creative Writing, Environment No Responses »

Apr 042014

By Bob Smith.

The 100th anniversary o the death
O a gweed mannie fae Dunbar
Fa left ess shores fer America
Stravaigin near an far
.
John Muir wis ess chiel’s name
An environmentalist o renown
A philosopher an explorer
Cwid be added ti his crown
.
In America he is weel kent
Yet in Scotia nae sae muckle
Ti fin oot aboot ess legend
Doon ti learnin we maan buckle
.
The faither o conservation in USA
A founder o the Sierra Club
Is jist twa o the monikers
On John Muir we cwid dub

Explore, discover an cherish
Wis ess mannie’s philosophy
We’re aa pairt o the naitural warld
Love wild places wis his decree
.
He fair likit the wilderness
Free fae touch o human han
Ower muckle interference fae man
The chiel jist cwidna stan
.
The John Muir Trust in Scotland
Cairries on Muir’s philosophy
An maks sure we learn mair
An git telt o his legacy
.
Cherish weel oor wild lans
Try oot the John Muir Way
Connect wi the mannie’s ideas
An lit nature hae its say

©Bob Smith “The Poetry Mannie” 2014
Image Credit: http://pixabay.com/en/woods-green-trees-path-park-175878/

Comments enabled – see comments box below. Note, all comments will be moderated.

Ode Ti A Gowf Ba’

Creative Writing, Satire and Humour, Sport 2 Responses »

Mar 282014

By Bob Smith.

Noo ye wee fite dimpl’t sphere
Let me mak es verra clear
Gyang doon the middle stracht an true
So’s an affa gweed score a can accrue
.
Nae oot the cup a wint ye spinnin
Sittin on the edge a-grinnin
Thinkin a’m nae gyaan ti drap
Eence mair yer score it wull be crap
.
Doon the fairways ye maan ging
So ma wee hairtie stairts ti sing
Lan’ oan the green near the pin
So anither birdie a can mark in
.
Be ye Titleist or Wilson Staff
Dinna behave like a soddin nyaff
Pick up yer skirts an hae a rin
If a happen ti hit ye ower bliddy thin

Dinna gyaang an try an hide
Jist on the fairways try ti bide
If ye ging duncin left or richt
A widna think aat verra bricht
.
A’m sorry a gid yer heid a dunt
So bide oot the bunkers ye little runt
In ma pooch ye can hae a rest
A’ll noo pit yer brither ti the test
.
Ye’ll nae bide fite fer verra lang
As roon efter roon a lit whang
Sometimes a doot ye micht git lost
Intae the whins ye can git toss’t
.
Puir ba a really lik’t ye fine
Please dinna lie there an pine
Some ither auld goat micht fin ye there
Eence mair some curses ye’ll hae ti bear

Comments enabled – see comments box below. Note, all comments will be moderated.

The Sheep Are On Fire

Aberdeen City, Creative Writing No Responses »

Mar 202014

By Bob Smith.

Fae Inverness an Aiberdeen
Doon ti east o Glesga Green
Fitba fans in reid or blue
An fegs they war a motley crew
.
Scarves an flags aa ower the place
Some fowk they wore a sheepie’s face
Dons fans aa decked in new attire
Statin aat “The Sheep Are on Fire”
.
The atmosphere it wis rich braw
Celtic or Rangers nae missed ava
Fans aa oot ti enjoy the game
Yet only ae team wid fin fame
.
Baith teams strode on green sward
90 meenits awa fae their reward
Fa wid win ess ‘eer’s League Cup
An fae its innards git ti sup?
.
The fans war still at fever pitch
Fin Dons they suffered a major glitch
Wee Jonny Hayes lost ti the fray
Nae mair wid Jonny git ti play
.
Only ae team wis tryin ti win
Some fitba tactics they are a sin
Caley Thistle they defendit weel
Frustration Dons fans began ti feel

A huuner and twenty meenits we did get
Yet naebody cwid fin the bliddy net
A penalty shoot oot wi did hae
Nae goals war scored fae open play
.
Up steppit CT’s Billy McKay,
The chiel he wid hae first try
Bit “Clangers” wis an instant hero
An Inverness stairtit wi a zero
.
The Dons wint inti a twa goal lead
As Inverness hairts they did bleed
Adam Rooney hut the winnin strike
Celebrations? Ye’ve nivver seen the like
.
Forty thoosan fans lit oot a roar
Fit wid hae bin heard in Baltimore
The cup wis oors – oh michty me
Fae doots an fears we noo war free
.
Russell Anderson wi een o his hans
Held up the cup tae delirious fans
Growne mannies an wifie’s hid a greet
An geets war liftit aff their feet
.
The sheep are on fire, the sheep are on fire
A Scottish Cup win wis noo the desire
Ti win at Parkheid an syne at Ibrox
Wid hae Weegies teerin oot their locks.

©Bob Smith “The Poetry Mannie” 2014.

Doonbeg Coonty Clare

Creative Writing, Satire and Humour 3 Responses »

Feb 212014

By Bob Smith. Ti bi sung ti the melody o “Galway Bay”. Wi Apologies ti Arthur Colahan

If ye ivver nip ower the sea ti Ireland
An meybe doon the wye o Coonty Clare
Ye micht see a mannie on his gowf course
Bawlin bigg a bliddy winfairm if ye dare

As ye sit aroon the peat fire in the gloamin
Watchin Doonbeg gowfers as they play
Thinkin Trumpie micht be here in Eire
Bit foo lang’s the bugger gyaan ti stay

His auld mither she did come fae Scotia
Far his faither cam fae we really dinna ken
A’m sure The Donald wull noo try ti tell us
He wis born in a wee bit Irish but ‘n ben

If the waves crash ower the dunes in Ireland
An flood the greens nearest ti the shore
Ye can bet yer bliddy bottom dollar
Fae Doonbeg ye’re sure ti hear an affa roar

It’s gyaan ti be the greatest there is in Eire
Wi the best in the warld it wull compare
We’ll nae doot hear es spiel fae Donald
Aboot his gowf course ower at Doonbeg Coonty Clare

©Bob Smith “The Poetry Mannie” 2014

Comments enabled – see comments box below. Note, all comments will be moderated.

Donald O’ The Petted Lip

Creative Writing, Opinion 2 Responses »

Feb 142014

By Bob Smith.

Trump’s nae deein the Hielan Fling
He’s noo tryin River Dance
Intae his Menie Developmint
Anither dollar he’ll nae advance
.
He’s gyaan ti the Emerald Isle
Doon the wye o Coonty Clare
A feel sorry fer the Irish fowk
His arrogance they’ll hae ti bear
.
His mither bein’ Scottish born
The chiel wis aywis blawin
Wull we noo hear fae him
His faither wis a leprechaun
.
Scotland wull be the losers
The bugger dis rant an roar
Donald jist gie’t a rest
Yer mair than jist a bore

Bi throwin the toys oot the pram
He’s shown his petulant streak
Aa because he lost his case
In front o a Scottish “beak”
.
At Menie wull he pack it in
An leave here wi gweed grace?
Somehoo a dinna think so
Cos the mannie wid lose face
.
Donald o the Menie Estate
Fa’s stock his teen a dip
Noo he micht be kent as
Donald o the petted lip.
.
.
.
.
©Bob Smith “The Poetry Mannie” 2014

Comments enabled – see comments box below. Note, all comments will be moderated.

Pete Seeger – A Legend

Creative Writing, Opinion 1 Response »

Feb 072014

By Bob Smith.

Last wikk we lost a legend
Pete Seeger wis his name
The chiel he wis aged 94
Fin oot wis snuffed his flame
.
Awa back in his young’r days
The lad he wis a commie
Atween him an yon McCarthy
There wisnae much bonhomie
.
A folk singer o warld renown
An an activist forbye
Supportit the Spanish Republicans
In a war far mony wid die
.
A singer fa fair protestit
The arms race an Vietnam war
He supportit the Civil Richts
An wis agin the colour bar
.
His singer sister Peggy
She mairrit Ewan MacColl
A bet at faimily githerins
They wid hae hid a ball

A freen o Woody Guthrie
An a early backer o Dylan
Fin Bob wint aa “electric”
Pete didna fin es thrillin
.
A lover o the environment
Tae es life he wis a giver
An got thingies fair stairted
Tae clean up the Hudson River
.
A ca’ed the chiel a legend
O es a hiv nae doot
A singer o folk sangs
An an activist tae boot
.
Seeger, Guthrie an Dylan
Protest lyrics wis their thing
Sangs fer the common man
Wis fit es three did bring
.
.
.
.
©Bob Smith “The Poetry Mannie” 2014

Pete_Seeger2_-_6-16-07_Photo_by_Anthony_Pepitone.jpg
licensed under the Creative Commons Attribution-Share Alike 3.0 Unported license.
Comments enabled – see comments box below. Note, all comments will be moderated.

Dinna Dare Growe Aul’

Creative Writing, Opinion No Responses »

Jan 312014

By Bob Smith.

Es growein aul’ tis a pain
Some fowk treat ye wi disdain
If yer noo ower seeventy five
Ye’ve less chunce o steyin alive
.
Ye micht nae be treated fer Big C
Ach ye’ll noo jist hae tae dee
Ye’re a burden tae the NHS
Yer chunces o treatment cwid be less
.
It’s noo a warld fer the young an fit
If yer aul’ yer in the shit
Society wints ye oot the wye
So curl up an bliddy die
.
Leukit upon as bein senile
Nae langer pairt o rank an file
Costs ower muckle fer yer care
Time ye wis plunkit in yer lair

Time fer aul’ buggers tae fecht back
An show the warld we dinna lack
The will tae live an contribute
We hiv mair sinse than some nae doot
.
Maist aulder eens they aye vote
So governmints please tak note
Ignore us an ye’ll fin oot noo
We hiv the power tae turn the screw
.
Seeventy five aat’s noo nae auld
Even tho some fowk are turnin bald
Wi hiv earned the richt tae expect
Society tae treat us wi mair respect.
.
.
.
.
©Bob Smith “The Poetry Mannie” 2014

Comments enabled – see comments box below. Note, all comments will be moderated.

Online Shoppin

Creative Writing, Opinion 1 Response »

Jan 242014

By Bob Smith.

Mair fowk it seems are buyin online
Toon cinters noo are in decline
A click on tae ony online store
Aathing seen cams tae yer door
.
Fowk they claim es saves them time
Aboot local shops care nae a dime
As lang as fin they click the moose
The “stuff’s” deliver’t tae their hoose
.
Empty shoppies they’re aa aroon
Some are even bein rugg’t doon
Ither eens struggle tae survive
As yearly profits they tak a dive
.
Money nae langer spint in the toon
Causin city faithers tae hae a froon
Weel kent shoppies they gyaang bust
As fowk embrace es online lust
.
Amazon noo is fair takin ower
Bigger they git the mair the power
Add tae basket ye jist click
As throwe their website ye div flick

They say progess ye canna stop
An es is noo the wye tae shop
High Street shop’s wull be nae mair
As modern shoppers cwidna care
.
As lang’s they git fit they wint
An online orders are nae tint
They’ll click the moose fer ivver mair
On laptop screens they sit an stare
.
Toon cinters seen fu’ o ghosts
Shops an shoppers are aa lost
Online shoppin kills the trade
O local fowk fa war self made
.
So cast yer myn back a fyle
Fin city cinter shops hid style
On streets there wis a bustle
Syne online stores,trade did rustle
.
.
.
.
©Bob Smith “The Poetry Mannie” 2014

Image credit © Alex Kirichenko | Dreamstime Stock Photos
Comments enabled – see comments box below. Note, all comments will be moderated.

Flood Weet An Fears

Creative Writing, Environment No Responses »

Jan 162014

By Bob Smith.

Floods they are noo frequent
Efter lots o hivvy rains
Mony say ae problem is
Biggin on flood plains
.
Hooses biggit near rivers
Es canna be jist richt
Mony hooses on flood plains
Is nae an idea maist bricht
.
Watter fa’in fae the sky
It needs tae soak awa
Concrete aa ower the lan
Es is nae eese ava

Mair biggins needit is the cry
Tae hoose oor growein masses
Maybe we jist need less fowk
An keep oor meadows an oor grasses
.
The answer’s nae an easy een
A solution it maan be fun
If climate change means mair rain
Fair sweemin wull be the grun.
.
.
.
.
©Bob Smith “The Poetry Mannie” 2014

Comments enabled – see comments box below. Note, all comments will be moderated.

Older Entries Newer Entries