By Bob Smith. Ti bi sung ti the melody o “Galway Bay”. Wi Apologies ti Arthur Colahan
If ye ivver nip ower the sea ti Ireland
An meybe doon the wye o Coonty Clare
Ye micht see a mannie on his gowf course
Bawlin bigg a bliddy winfairm if ye dare
As ye sit aroon the peat fire in the gloamin
Watchin Doonbeg gowfers as they play
Thinkin Trumpie micht be here in Eire
Bit foo lang’s the bugger gyaan ti stay
His auld mither she did come fae Scotia
Far his faither cam fae we really dinna ken
A’m sure The Donald wull noo try ti tell us
He wis born in a wee bit Irish but ‘n ben
If the waves crash ower the dunes in Ireland
An flood the greens nearest ti the shore
Ye can bet yer bliddy bottom dollar
Fae Doonbeg ye’re sure ti hear an affa roar
It’s gyaan ti be the greatest there is in Eire
Wi the best in the warld it wull compare
We’ll nae doot hear es spiel fae Donald
Aboot his gowf course ower at Doonbeg Coonty Clare
©Bob Smith “The Poetry Mannie” 2014
Comments enabled – see comments box below. Note, all comments will be moderated.
What’s Donald Trump got in his hand.
The whole world apparently Sean 🙂 … No, it’s half a golf club … he lost the ither half when a turbine chopped it in two …. apparently he only just managed to get the club between the blade and a sparrow in time tae save the wee thing. Rubbin his hands noo, a £2,000 bill is reportedly on it’s way tae the RSPB for services rendered in the interests of preservin wildlife … and anither bill for a new set o’ golf clubs 😀
Cool Bob.