Creative Writing Archives - Page 10 of 39

Despairing NHS

Sep 062013

By Oliver Swingler.

In the darkness,
Six feet under,
Bevan turning in his grave
Sixty-five years of free healing,
The NHS he cannot save.

All the doctors,
And the nurses,
Cleaners, porters do their best,
But their efforts no longer valued
In the growing profits quest.

Drug companies pay for research
And they promise us a cure
But all they want is extra profit
And to hell with the sick and poor.

Clegg and Cameron keen to finish
Dismantling done by Brown and Blair,
PFI debts, target culture.
Reorganised for millionaires.

Shipman, Savile, Stafford hospital,
Just how bad can scandals get,
Whistle-blowers, enquiries ignored,
But you ain’t seen nothing yet!

Oh our caring,
Oh our sharing,
Now despairing NHS,
Thou art lost and gone for profit,
Privatised to serve the rich.

Image credit: <a href=’http://www.123rf.com/photo_8687649_lonely-senior-woman-in-the-hospital-bed-hooked-up-to-an-iv.html’> lisafx / 123RF Stock Photo</a>

Comments enabled – see comments box below. Note, all comments will be moderated.

Daisies, Dragonflees An Dyeuks

Creative Writing, Environment, Featured No Responses »

Sep 062013

By Bob Smith.

We hid a wee bit dander
T’wis jist the ither day
Gied in by Castle Fraser
The sun wis oot tae play
.
Doon past the adventure playgrun
Wi its tepee an ither things
Intae the bonnie wa’d gairden
Tae see fit naitur brings
.
Big daisies an ither flooers
Brocht colour there’s nae doot
An we myn’t tae close the gates
Tae keep the rubbities oot
.
A fylie sin a’ve seen sae muckle
Bees an butterflees in ae sector
Flittin aroon fae flooer tae flooer
An githerin up aa the nectar

Syne throwe the widdlan waak
Tree taps sweyin in the breeze
We cam upon the bonnie pond
Hame tae dyeuks an dragonflees
.
A gweed fyle there we sat
Surroondit bi naitur’s glory
The reeds an bonnie grasses
War pairt o oor day’s story
.
We climm’t up the windin path
An cam upon some coos
Faa lookit ower the fencie
Did they wint tae hae a newse?
.
The magic o iss bonnie waak
Wi a beauty hard tae beat
A sweir doon throwe the trees
A heard the patter o Hobbits’ feet

©Bob Smith “The Poetry Mannie” 2013

The Bonnie Dunes O Menie

Creative Writing, Opinion No Responses »

Aug 302013

By Bob Smith. Wi apologies tae the unknown composer o Bonnie Lass O Fyvie

There eence wis a group
o Trumpie’s baboons
Cam mairchin doon throwe Menie O
A heid yin’s name wis Dod
Shoutin oot Trump he’s a god
Lang live the Great Dunes O Scatland O
.
Noo ither Menie fowk
thocht Trump he wis a gowk
Fer connachin the bonnie dunes o Menie O
He’s buggered an SSSI
Iss wis the rallyin cry
He’s deen fer the shiftin sands o Menie O
.
Donald says ye’ve nivver seen
the likes in Aiberdeen
Ma course is the best in iss warld O
Bit if yer nae weel aff
We’ll class ye as a nyaff
Ye’ll pey throwe the nose tae hit a ba O

Oh bugger damn an blast
a villain I am cast
Fer screwin some lives ower in Menie O
Weel aats jist their bad luck
An a dinna gie a f—k
Am “King” Donald, Thane o aathing O
.
Aat mannie caed Wee Eck
shud git it in the neck
Fer darin tae spike aa ma guns O
Iss winfairm a declare
A jist fin hard tae bear
An a’ll nae feenish fit a’v stairted O
.
O Trumpie gyaang tae hell
mony fowk div yell
Yer jist a pain in the ersie O
Yer cunnels nae sae bricht
An yer hair’s a bliddy sicht
Lang mey the faimilies bide in Menie O

©Bob Smith “The Poetry Mannie” 2013

A Little Fishie Likes Iss Dishie?

Creative Writing, Opinion 2 Responses »

Aug 272013

By Bob Smith.

Awa ower in Swedish watters
Ye micht hear some affa screams
As a wee fishie in the sea
Connachs a fyow chiels’ dreams
.
Iss hungry fishie it wid seem
His a likin fer mannies’ bas
They creep up fin yer sweemin
An grab them wi their jas
.
Fin yer awa ower in Sweden
Skinny dippin micht nae be gweed
Thae fishies fae roon aboot
Wid queue up fer a feed

A fyow billies wull be wary
If sweemin the Oeresund Strait
The local lads faa fish there
Micht use fowks’ bas as bait
.
Noo we’re telt it’s aa a myth
The Pacu fishie winna bite
A mannie wis haein a joke
An the story wis jist shite
.
© Bob Smith “The Poetry Mannie” 2013
Image Credit: I, Omnitarian. Licensed under the Creative Commons Attribution-Share Alike 3.0 Unported license

Comments enabled – see comments box below. Note, all comments will be moderated.

Bairnheid Memories

Aberdeenshire, Creative Writing, Environment No Responses »

Aug 152013

By Bob Smith.

Sunshine floodin throwe the windas
Fillin rooms wi its golden glow
Memories o the fairmhoose kitchen
Ma mither workin tae and fro’
Birdsong burstin fae the hedges
Cocks crowin at the open doors
Yet peace an quairt wis aa aroon
As wi wint aboot oor chores
Faint ripplin fae the dam weir
As its watters spill’t intae the burn
The Ord jined wi the Leuchar
Alang its banks I kent each turn
A still can smell the new mown hey
An surroonded bi the clover
A lay and listen’t tae the laverock
As heich abeen me it did hover
Stirks’ breath in November frosts
Content in the coort they stey
Jist slowly stirrin fae their rest
Fin aetin their neeps and hey
Collies barkin at the merest soond
Their alert sinses at the ready
Thae sentinels faa kept ye safe
Faa’s devotion wis ayewis steady

©Bob Smith “The Poetry Mannie” 2013
Image: Hay Stacks© Taseret | Dreamstime Stock Photos
http://www.dreamstime.com/hay-stacks-free-stock-image-imagefree206796

Comments enabled – see comments box below. Note, all comments will be moderated.

Cry Ma Beloved Scotland

Creative Writing, Opinion 1 Response »

Aug 092013

By Bob Smith.

Cry ma beloved Scotland
Greet at wir foolish wyes
Ye tak aboard wir excuses
An listen ti aa wir lies
.
Ye hiv an embracin beauty
An we listen tae yer wails
Yet we sacrifice yer landscapes
Tae satisfy business holy grails
.
In yer mountain an yer moorland
There is a majesty unsurpassed
Yet winfairms an great motorwyes
Are creepin ower ye fast

In yer hills an glens we marvel
At nature’s fecht ti survive
Ower muckle fowk on yer pathways
Ower hillside tracks they can drive
.
Cry again my beloved Scotland
Greet eence mair at wir foolish wyes
Ye try tae mend the destruction
As ye let oot some mournfu cries
.
There’s fowk as wid help ye
An stop the folly aat’s aroon
We need aa ti be richt brave
As some wid ding us doon

©Bob Smith “The Poetry Mannie” 2013

Comments enabled – see comments box below. Note, all comments will be moderated.

A Bum Rap

Aberdeenshire, Creative Writing No Responses »

Aug 012013

By Bob Smith.

Colin Murray fae the BBC
Meenshun’t Jessica Ennis’s bum
He’s accused o bein sexist
Iss is nae a bittie rum

Noo Jessica’s erse IS perfect
So why nae state iss fact
Seems puir Colin shud hae used
Jist a little bittie mair tact

Fit’s the warld noo cumin tae?
Ye’ve tae watch yer “p’s an q’s”
Ye mak a wee daft remark
On yer heid is heaped abuse

PC his geen ower the score?
Maybe bum’s noo classed as lewd
So ma remark aboot her erse
Micht weel be thocht as crude

A dinna think we shud be
Rude aboot fowk’s lukes
Bit fer praisin Jessica’s backside
Seems puir Colin Murray sooks

Awa aa ye fun destroyers
Ye crabbit bunch o tubes
A gweed job he didna meenshun
Onything aboot Jessica’s boobs

A hear the howls o protest
Classed anither sexist chap
Nivver myn a’m auld aneuch
Tae fend aff ony bum rap

Bob Smith “The Poetry Mannie” 2013
Image: Wikimedia Commons

Comrade Cooncil

Aberdeenshire, Creative Writing, Opinion 1 Response »

Jul 262013

By Bob Smith.

Martin Ford wis teen ower the coals
Fer spikkin tae yon Panorama
Seems the chiel’s opinion fae
Cooncil offices canna be on camera

The stushie fae the ‘shire cooncil
Tae North Koreawis mair suited
Wull aa future cooncil policy
Tae Kim Jong-Un be re-routed

A thocht we bade in a democracy
An war alood tae say yer bit
Cooncillor Ford gied his opinion
An some cooncillors hid a fit

His Trumpie got sic a grip?
Are cooncillors jist Trumpie goons?
Feart tae challenge The Donald
On onything tae dee wi dunes

A nivver thocht a’d see the day
Growen fowk aa rinnin scared
Fae a mannie full o bluster
Like the Menie Yankee laird

Lit’s curse aa coordly vratches
Lit them hang their heids in shame
They’ve selt fowk doon the river
As they play “King” Donald’s game

Comments enabled – see comments box below. Note, all comments will be moderated.

Taboo Or Nae Taboo? Aat is the Question

Creative Writing, Satire and Humour No Responses »

Jul 182013

By Bob Smith.

Eck Salmond he is maist upset
Wi the fowk at Muirfield links
He’s nae gyaan tae The Open
Membership policy he feels stinks

Fer ‘ears an ‘ears iss golf club
An aboot iss they’re nae kiddin
Throwe the portals o the clubhoose
The fair sex they are forbidden

Is wee Eck noo a feminist
Or is’t jist a publicity stunt
Tae get aa the weemin’s votes
As independence he dis punt

Noo masel I hiv iss view
Golf clubs policy it shud be
Fer baith sexes tae jine up
An nae jist on the tee

Bit Muirfield is a private club
So his a richt its ain rules tae mak
If it wints jist mannies only
We’ll jist hae tae cut some slack

Maybe they’ve the richt idea
Fin aboot their game they’re braggin
Enjoyin the odd gin or twa
Free fae bliddy wifie’s naggin

Bob Smith “The Poetry Mannie” 2013
Comments enabled – see comments box below. Note, all comments will be moderated.

The Donald v The Sweeney

Aberdeenshire, Creative Writing, Opinion No Responses »

Jul 122013

By Bob Smith.

The Donald wis on Panorama
Spikkin tae BBC’s John Sweeney
Aboot aa the gyaans on
At his placie ower at Menie
.
The Sweeney hints tae Mr Trump
6000 jobs hinna cum tae fruition
The Trumpie lot war fair pit oot
An treated aa iss wi derision
.
Donald roared – Git rid o aat hoose
Tae the “P&J” editor’s wife
Says she it micht cause a stir
An reap ye lots o strife
.
Faa cares the mannie gabbit
A sure can dee fit a wint
It’s on ma lan quoth Donald
Tae the puir dementit bint
.
The hoose belangs tae David Milne
A chiel Trump disna much like
Bit David stuck twa fingers up
An said Trumpie tak a hike

A billie fae the Royal Toon Plannin
Thocht Trumpie’s case it wis unique
In aa his ‘ears in the plannin game
He’d seen nithing tae cause sic pique
.
Oor First Minister an The Donald
War eence on spikkin terms
They’ve hid a bit o a faa oot
Ower the plans aboot winfairms
.
Trump wis qizzed aboot his dealins
Wi a mannie fae the Mafia mob
Syne he up’s an leaves the interview
Hintin The Sweeney didna ken his job
.
Noo in the pages o “P&J” we read
Business pallies tae his rescue hiv rode
Eence mair tryin tae kid us aa
In the Nor’east the mannie is loed.
.
Birds o a feather flock tigither
A mynd aboot iss auld sayin
Bit maist o us chiels ken they’re aa feels
Faa dunce tae the tune Trumpie’s playin

Bob Smith “The Poetry Mannie” 2013
Comments enabled – see comments box below. Note, all comments will be moderated.

Older Entries Newer Entries