May 022013
By Bob Smith.
| We’ve aa hid a leukie At plans fer the “Civic Square” Tae replace St Nicholas Hoose Eence it’s aa laid bare . Bliddy stracht edged biggins O the usual gless an steel Nae flair fae the architects The concocshuns o some feel . Iss is the wye tae go We hear the planners bleat Great innovative designs As modernity we maun meet . Fit a load o bliddy crap We hiv the chunce tae hae A great open green space Faar fowk can sit or play |
Dinna bigg on the foons O the concrete St Nic’s Hoose Mak it intae a fine square Lit yer imaginations loose . Open up the bonnie view O the hoose o Provost Skene Wi greenery jist aa aroon Plunty space tae meet a freen . A place tae sit an see The grandeur o Marischal College An myn back tae it’s days As a placie full o knowledge . Aiberdonians are fair fed up O biggins nae bricht an jolly Especially eens fit micht be ca’ed The future St Nicholas Hoose folly |
Bob Smith “The Poetry Mannie” 2013
Comments enabled – see comments box below. Note, all comments will be moderated.
“The concocshuns o some feel…”
Brilliant! Couldna pit it better masel, Bob!
I had hoped the area would have been turned into an open and green space, I was a bit shocked at the designs, the buildings are completely inappropriate. No wonder Aberdeen is known as the city of concrete.
“Aiberdeen is kent as the city o concrete” Aat’s cos it’s run by a bunch o “Block”heids Sean
Is it? I’ve never heard that. Agree though, pish design. All about the money.