Dec 132013

By Bob Smith.

Winter in Northumberland2, England - Credit Ian Britton 90_07_6_prev

Foo muckle siller wull ye spend
On pressies fer yer freens ?
Or some fer aa the faimily
Be they auld or in their teens
A new name fer Christmas
“The Retail Festival” it is ca’ed
Fin thingies they git oot o han
An aa bugger gyaangs fair mad
Noo a’m nae Scrooge –far fae it
Bit a wid fair draw the line
At gittin awa intae debt
Afore singin “Auld Lang Syne”.
A’m aa fer gien a wee present
Tae faimily or fowk lang kent
Some fowk tho’ dinna hae a clue
Aboot foo muckle they hiv spent
A freen o mine he’s renegin
He says he’s seen the licht
An disna gie twa hoots
If fowk noo think him ticht
He’s nae gien ony mair
Presents he classes “stuff”
He’ll buy a wee bottle o booze
Or maybe a sma plum duff
He says it’s far mair practical
As he kens jist fa likes fit
Instead o maybe hannin ower
Fit fowk micht class as shit
Only costs him haaf the price
O things he wid normally gie
An he winna hae tae worry
Fae debt he wull bide free

©Bob Smith “The Poetry Mannie” 2013
Image credit: Ian Britton –
Comments enabled – see comments box below. Note, all comments will be moderated.



 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>