Nov 142013
By Bob Smith.
| In een o Scotia’s bonniest cities Live fowk fae fair git on yer titties Wintin the toon tae chynge it’s wyes Wi ugly biggins tae be the prize . Leuk at oor glorious granite face Fou o character an fou o grace Fin the sun shines on the steen Ye ken yer bidin in Aiberdeen . Union Street biggins they jist micht Be in great need o a gweed dicht Tae reveal the silvery granite glint Aat generations o fowk hiv kent . Bonnie parks an gairdens are aa aroon There’s een in the cinter o the toon Bit a local mannie fa his lots o cash Wid Union Terrace Gairdens like tae trash |
The toon it staans twixt Don an Dee Twa rivers fa flow tae the sea Throwe kwintraside they pass first Syne feed the grey north sea’s thirst . A toon full o majestic spires A city aat his some deniers An wint the toon mair tae be Like Houston or New York maybe . Bit Aiberdeen needs tae be Aiberdeen Wi the couthiest fowk ye’ve ivver seen Faa in their toonie tak great pride An winna be takken fer a ride . So Widdie, Muse an Stewartie Milne Tho’ fowk micht nae wish ye ill Jist bugger aff an leave things be In the bonnie toon twixt Don an Dee |
© Bob Smith “The Poetry Mannie” 2013
Comments enabled – see comments box below. Note, all comments will be moderated.