Sep 122013

3KslimmerPicBy Bob Smith

The Triple Kirks is noo “The Pint”
The pint o’t a dinna git
As far as a can see fowks
Jist anither design fit’s shit

A “cheese grater” o ae wa’
Twa fish tanks side bi side
Tho’ the kirkie spire it seems
Is bein’ alloot tae bide

Mair office space in oor toon
Fin flats wid be mair eese
Efter 5pm an’ at wikk eyns
Human activity wull a’ cease

Affordable hooses is fit we need
Yet verra fyow cum intae bein
Fit developers class affordable
Ither fowk jist are nae seein

“The Pint” wull cum tae pass
O’ aat there’s little fear
Cos some fowk in the cooncil
Awkwird questions winna speir

A biggin wi little tae commend
Jist anither St Nicholas Hoose
In 30 years wull’t be pull’t doon
Cos it’s nae langer fit fer use?

A’ seen as farrer progress
Bit iss a jist fail tae see
Anither blicht on the skyline
In the toon twixt Don an Dee

©Bob Smith “The Poetry Mannie” 2013

  • Comments enabled – see comments box below. Note, all comments will be moderated.

  3 Responses to “Fit’s The Pint?”

  1. Aye Bob. Have to agree with you.

  2. Aberdeen city seems to be having an ugly building competition just now, not sure who with tho`

  3. Beaten to a pulp by the new University Library building I think. Mind you, the London Shard looks fine. Then there’s that Glasgow Art School building designed by what’s his name – big tall backed seats with lots of legroom and a white raincoat, Wilson or someone?
    Plus that there’s that nice green topped retro-gasometer in Garthdee. Oh and the Forth Road Bridge.
    Especially the Forth Road Bridge.
    Sorry what was the question?

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>