Nov 212013
By Bob Smith.
| Common Sinse is nae in vogue We’re in the era o the rogue Common Sinse is takkin a beatin It’s noo the era o leein an cheatin . Common Sinse says dinna owerspen Yet pey-day loans are aa the trend Common Sinse says jist buy fit’s needed Bit throwe advertisin greed’s succeeded . Common Sinse says bide oot bus lanes Car drivers are fined fer their pains Common Sinse says read the signs Fowk canna git it throwe their myns . Common Sinse tells us war is wrang Yet sodjers play wi guns aat bang Common Sinse tells us tanks div kill Yet buggers bigg them wi great will . His Common Sinse lost the will fer livin Criminals aa livin in seeventh hivven Better treated than victims o crime Common Sinse nae worth a dime |
Common Sinse jist fair gied up Fin a wifie skailt fae oot a cup Het coffee fit landit on her lap Syne settlement siller her wye did drap . Common Sinse it wis owerleuk’t Fin Martin Ford fae his job wis hooked Aa tae satisfy thon Donald Trump Fa itherwise wid hae teen the hump . Common Sinse, wi Truth an Trust Aa a’m feart hiv bit the dust Discreshun, Responsibility an Reason Hiv noo become richt oot o season . In it’s place is “I’m A Victim” “A ken ma richts” is noo the dictum “A wint it noo” is fowk’s dream “A can hae it aa” they scream . Meybe Common Sinse is nae yet deid An there’s fowk wi a hairt aat’s gweed Willin tae fecht fer a future aat micht Prove Common Sinse it still burns bricht |
© Bob Smith “The Poetry Mannie” 2013
Image Credit: © Thorir Aron Stefansson | Dreamstime Stock Photos
Comments enabled – see comments box below. Note, all comments will be moderated.