Oct 212013

By Bob Smith.

A wis spikkin tae a gowfer
T’wis jist the ither day
Fa wis tellin me a story
Aboot Americans here tae play
He wis playin ower at Murcar
An met some Yankee billies
Fa’s opeenion o The Donald
Wid gie Dod Sorial the willies
The chiels hid played Royal Dornoch
An ither courses aat war gweed
Afore tryin oot Murcar’s challenge
Far ye hiv tae use the heid
Fin ask’t aboot playin Trumpie’s
They fair did hoot an holler
Sayin they hid nae intenshuns
O gien The Donald a dollar
Their opeenion o the Trumpie
Wid mak Donald tak the hump
The haill lot they did cry
“Stuff yer Donald Trump”
Noo a’ve heard the same opeenion
Fae Yanks playin “the hame o gowf”
Maist widna be spennin ony siller
At the Menie course an howff
It wid appear aat The Donald
Is nae weel thocht o at aa
Fowk in the lan o his birth
Nae langer heed his blaw
Noo in the rest o Bonnie Scotland
Seems the mannie’s thocht a joke
Only in the rich Nor-east corner
At Donald– fun ye canna poke
The mannie’s “tilt at windmills”
Fin he roars an teers his hair
If they warna near his gowf course
Div ye think the bugger wid care?
Awa wi yer “Love o Scatland” min
Some think yer jist a bam
We’ll aye drink a toast tae justice
O coorse wi a Glenfiddich dram

©Bob Smith “The Poetry Mannie” 2013
Comments enabled – see comments box below. Note, all comments will be moderated

  One Response to “Stuff Yer Donald Trump”

  1. Hits the nail on the head.

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>