Dec 062012
By Bob Smith.
| Michael Forbes his bin voted Glenfiddich’s “Tap Scot” o the year Iss’ll hae Trumpie fair bilin Gyaan reid in the face a fear . Michael wis geen iss award Fer his steely determination The puir chiel wis left speechless Fin he received a standin ovation . Imaagine fit Trump’ll be thinking As oor Michael he won iss award Donald says he bides in a slum An thinks him an affa cyaard . Noo Michael refused tae buckle He unfurled the democracy flag Stuck twa fingers up tae The Donald As Trumpie cairry’t on wi his brag . Donald am sure wull pint oot He’s bin created a GlobalScot By some fowk in big business Fa spoutit some mair tommyrot |
Fit his Trump ivver deen fer Scotia His he biggit his course bi default ? Is money teen in fae the gowfers In an American bank’s secure vault? . The award leaves Trump in a pickle He canna say the hail thing’s a farce Glenfiddich Distillery’s weel respected An micht hae a kick at Trump’s arse . Raise a gless tae Michael Forbes Fa stood an held the stage Agin an American billionaire Fa’s noo duncin aroon wi rage . Let’s jist hae anither award Like Top Director o the year Iss maan ging tae Anthony Baxter Fa didna show Trump ony fear.. . . . . ©Bob Smith “The Poetry Mannie” 2012 |