The Donald he is cryin oot
“They canna dee iss ti me
Biggin a muckle great windfairm
Oot in the grey north sea”
Hypocrisy teen ti new leevels
Is fit fowk micht jalouse
His gowf course connached an SSSI
Yet he compleens aboot spyled views
Noo maybe the Scottish Government
Wull be scratchin aa their pows
If Trumpie mounts a challenge
An iss leads ti affa rowes
“Scotland’s open fer business”
Wis their triumphant hoot
Refusin the windfairm application
Wid pit iss claim in doot
The spyled view fae the gowf course
“The greatest een in the world”
Micht result in him pullin oot
Afore a flagstick’s bin unfurled
Wi rage Donald wull be duncin
If iss win’ project they’ll nae cull
He’ll try some bluff an bluster
Cos o win’ he is richt full
©Bob Smith “The Poetry Mannie” 2011
Image credit: © Sebastian Czapnik | Dreamstime.com