Dec 172013

nelson-mandela-longBy Bob Smith.

Madiba he’s bin laid tae rest
His lang journey it is deen
Beeriet in his hame village
Es Freeman o Aiberdeen

His story is worth tellin
Bit a widna even try
It needs a bodie far mair versed
In Sooth Africa’s freedom cry

Ess “Tata” o Sooth Africa
As Madiba he wis weel kint
Fer fechtin agin apartheid
Tae prison wis eence sint

Tata Madiba yer noo free
Amang angels ye can rest
Kennin fine fin on ess earth
Ye did mair than try yer best.

Nelson Mandela fareweel tae thee
Nae mony can tak yer place
A mannie fa focht fer justice
A credit tae the human race.

©Bob Smith”The Poetry Mannie” 2013
Comments enabled – see comments box below. Note, all comments will be moderated.

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>