Oct 112013
By Bob Smith.
| The Marcliffe t’is closin doon It’s gyaan tae be nae mair Some fowk wull be sorry Ithers jist winna care . Mr Spence he is tae retire Say’s he’s gyaan oot wi a bang Wi lots o things tae celebrate Wull Trump compose a sang? . The mannie his bin aroon The hotel gemme fer a fyle An naebody can argie aat The Marcliffe his some style . A’ve bin ‘ere at some waddins Wis leuk’t efter wi great care Bit the price o a roon o drinks Wid gie the Rockefellers a scare . Yet a canna help thinkin Fit wye’s it closin doon Cwid it nae be cairry’t on Bi Ross, a Spencie loon? . The toon needs gweed hotels O ess we’re aye bein telt So fit wye is ess een closin? Fit wye cwid it nae be selt? |
Priced ersels oot the mairkit? Even in ile rich Aiberdeen We’ll nivver ken the answer Meybe times they are mair lean . Wis the askin price ower muckle? Did ess scare hoteliers aff? Or his the roomies nae bin full Fer tae justify aa the staff? . Is Mr Spence jist affa shrewd? An he’s oot tae mak a killin? Kennin fine aat property developers Tae pey his price they wull be willin . Fin the Marcliffe it closes Mr Spence he wull be free Tae wanner ower tae Menie An meet Donald on the tee . He micht be a Trump supporter Bit in retiremint a wish ‘im weel Ae thing he his fair proved, As a hotelier, he’s nae feel . . . . ©Bob Smith “The Poetry Mannie” 2013 |
- Comments enabled – see comments box below. Note, all comments will be moderated.