Dec 142012
 

By Bob Smith.

Amazon, Google an Starbucks
Hiv avoided pyein some tax
Throwe a loophole in the law
Fit’s bin mair than a bittie lax

Multinationals they div employ
Accoontants tae fin sic wyes
Thae chiels are up tae scratch
An in tax laws are richt wise

You an me we pye oor dues
We micht hae a girn an sweir
An fit the tax mannie tells us
Is nae aye sae bliddy clear

It seems its nae agin the law
Fer firms tae use sic ploys
Bit morally it’s jist nae richt
If the law faavour’s “ big boys”

Time fowk pit a stop tae iss
Mak the slippery buggers think
Jist boycott the likes o Starbucks
Fin ye buy yer next coffee drink

Pye yer dues shud be the cry
Yer bunk balance micht tak a hit
Fit wye shud the rest o us suffer
Cos ye employ a tax swerving git

©Bob Smith “The Poetry Mannie” 2012