Jul 152011
 

By Bob Smith.

Abe Lincoln’s wirds we shud heed
They’re nae aat hard ti swalla
“Corporations hiv bin enthroned”
“Corruption in high places wull folla”

It’s noo weel ower a hunner ear
Sin  Mr Lincoln made iss quote
Bit in the modern warld o oors
His fine wirds are nae remote

Corporations hiv ruled the roost
Fer ower lang in oor bonnie city
Cooncils kowtowin ti their needs
They’ve nae backbeen -mair’s the pity

I’m nae sayin there’s corruption
Bit at times ye hiv ti winner
Some business plans in oor toon
Cooncillors dinna aye wint ti hinner

Bit iss is nae jist a local thingie
Seems rife aa throwe the nation
Fin fightin fer democracy
Fowk  suffer wi frustration

A question I’ve heard afen asked
An een fit’s nae aat funny
Are some o the toon cooncillors
In the hip pooch o them wi money?

The answer ti iss question is
As yet we’ve nae solid proof
Bit if there’s joukerie pawkery
We’ll  raise the bliddy roof

©Bob Smith “The Poetry Mannie” 2011