The whaup. Ma faavrit bird
wi its maist hauntin soon
a soond aat is embedded
sin i wis jist a loon
wi connach aa its habitat
its feedin gruns wi invade
wi really cwidna care a jot
as human arrogance wi parade
wi drain maist o oor weetlans
wi trumple doon oor grasses
why maan wi use up oor lan
jist tae satisfy the masses
we maan leave the whaup some space
fer it breedin an fer feedin
ere’s plenty room fer aa o us
if wi stop ayewis bliddy needin
© bob smith “the poetry mannie” 2013
Image credit: Sylvia Duckworth | Wiki Commons