The AWPR can ging aheed
Maist fowk hiv gien a cheer
They micht aa yet be greetin
If it turns oot ower damn’t dear
Awa back a fyow eer ago
Fower hunner million wis the cost
Aa doot iss wull be far awa
Fae the final figure we’re tossed
A’ve nithing agin the roddie
Apairt fae far it gings
Ower bliddy near the toon
Destroyin ony benefit it brings
Dinna believe me? please yersel
Jist dee a wee bit speirin
Ye’ll fin aa ither by-passes
Hiv biggins near them appearin
Doon the line aboot ten eer on
Mair hooses and big sheddies aboot
Cars an larries gyaan ti an fro
Cumin on an aff iss route
Ti tak the HGV’s past the toon
Iss thocht we aa maun broach
AWPR shud be biggit farrer wast
So developers they canna encroach
Biggin the roddie far they wint
Is a folly fair complete
A fear ma freens we’ll fin oot
The AWPR micht become obsolete
© Bob Smith “The Poetry Mannie” 2011
Image credit: © Axel Drosta | Dreamstime.com