By Bob Smith.
| Lit’s nae foget the sacrifice O oor brave loons an quines Fa perished in war’s carnage An a puckle lost their myns . Lit’s nae forget the sacrifice At the Somme or Passchendaele Lit’s nae forget the bravery O the chiels fae toon or vale . Lit’s nae forget the sacrifice O the billies fae learn’t tae flee In Spitfires an in bombers A hullock o them wid dee . Lit’s nae forget the sacrifice O D-Day an El Alamein Or at Cassino ower in Italy Oot o bodies life wid drain . Lit’s nae forget the sacrifice In Burma or Singapore An biggin railways in the jungle Fit’s gin doon in war folklore . Lits nae forget the sacrifice By some sailors on the ocean waves Fin convoys they ran the gauntlet An U-boats sint them tae their graves |
Lits nae forget the sacrifice In Kenya, Malaya an Korea Or in the island o Cyprus Aroon the toon o Nicosia . Lits nae forget the sacrifice In Aden Arabs made their pitch Far squaddies tried tae keep the peace Some led by yon “Mad Mitch” . Lits nae forget the sacrifice On Falkland’s lan an sea An ower in Northern Ireland Fowk fae conflict warna free . Lits nae forget the sacrifice In Iraq an in Afghanistan Far loons and quines hiv perished In attacks fae the Taliban . Lits nae forget the sacrifice O firefighters an ambulance crews An the nurses in the front line Durin wars like World War 2 . So remember aa these gallant fowk Fa deet so we’d bide free Fa pyed the ultimate sacrifice As their lives they did gie |
©Bob Smith “The Poetry Mannie” 2012