Dec 272012
By Bob Smith.
| Some fowk doon in Stoney Woke up tae flooded hoosies Watter flowin a fyow fit deep It flushed oot ony moosies . Rain cam poorin oot the sky Rinnin doon fae field an park The Carron burst ower it’s banks Faar wis yon Noah wi his Ark? . Aroon Brigfield and the High Street War hames fit wur warst hit Drains they jist cwidna cope Wi the watter, gunge an grit |
Some local fowk war on TV Like Alan Smith an Isla Duncan In Isla’s food caterin placie Her stock it took a dunkin . Ithers in iss bonnie place Jist sooth o Aiberdeen toon Showed gran community spirit Gien grub, an the odd nichtgoon . So raise a gless o Glenfiddich Tae thae gweed Steenhive fowk As a toast tae aa their spirit An tae annoy yon Trumpie gowk |
© Bob Smith “The Poetry Mannie” 2012
Image credit: Judith Pullar