By Bob Smith.
| A didna mak ony reesolushins At the stairt o the New Year Jist in case some o them Widna be kept a fear . If a hid made reesolushins Tae show a bit o moral grit A wid mak the extra effort Tae stir things up a bit . Keep opposin the mannie Trump Ma main aim iss wid be So fae oor shores he’d bugger aff Fae his haverins we’d be free . A’d fecht tae keep oor kwintra Safe fae the lan grabbin rich Chiels fa try tae mak the rules An democracy try tae ditch |
A’d stir things wi the cooncil Tae see oor money weel spint An nae lan in the coffers O fowk faa mak a mint . On a far less serious note Ma gowf a’d try tae improve So ma handicap it wis cut An ma swing wis in the groove . A’d try tae be aye smilin Fin fowk an me div meet An look upon the positives If the Dons they div git beat . Bit ae New Year reesolushin An on iss a’ll nae bi canny Is tae wish ye “a the best” Fae Bob Smith “The Poetry Mannie” |
©Bob Smith “The Poetry Mannie”
Image Credit© Anna Dobos | Dreamstime.com