Jan 062012
 

With thanks to Dave Watt.

There have been twenty-three acknowledged serious nuclear accidents to befall the worlds U.S. and Soviet nuclear forces.

There have been 16 crashes involving British nuclear submarines since 1998.

Despite this there appears to be a certain amount of complacency as regards the nuclear submarine base at Holy Loch on the Clyde.

The ex-Armed Forces Minister Dr John Reid said in letters to MPs:

“It is planned that potassium iodate tablets would be distributed before any release of radioactive material had occurred at a time determined by monitoring the condition of the reactor”.

“We will always get advanced warning if something was to go wrong” – Andy Moore MoD

“There has never been an accident involving a nuclear powered submarine reactor which has led to, or come anywhere near leading to, any release of radioactive contamination to the environment” – Dr John Reid, ex-Armed Forces Minister

Aberdeen CND presents :

A Nuclear Incident on the Clyde – 2nd Jan 2012 

At the NEXT ABERDEEN CND MEETING
MONDAY 9th January-  7.30 p.m. 

Belmont Picture House, Belmont St, Aberdeen
in MEETING ROOM ON TOP FLOOR. 

  Image credit © Rhouck | Dreamstime.com

Dec 012011
 

By Bob Smith.

Here comes the Retail Festival
Cooched in glossy Christmas cheer
Spen spen spen the shops cry oot
Their merchandisin moves up a gear

Maun we owerspen at Christmas
On presents aat leave us skint?
Mony fowk are left in debt
So aat shops can mak a mint

Christmas time itsel a fear
His lost it’s freenly glow
Fowk tryin to see faa can hae
The dearest presents on show

A sma present ti faimly members
There is nae hairm in iss
Bit keepin up wi the Joneses
Is some fowks idea o bliss

Hunners o poonds they are spent
On presents fer aa yer freens
Kids yammerin fer the latest
Toy or game shown on TV screens

Hotels an restaurants filled ti the brim
Yet their prices are ower the tap
Faan wull aa iss madness eyn
An prices wull stairt ti drap

Faimly Christmases used ti be
A time ti visit an hae a blether
Yet ti sit aroon the table
Nooadays fowk they dinna bither

The festivities noo a fear
Hiv naething ti dee wi the 25th
It’s aa ti dee wi consumerism
Spenin dosh on expeensive gifts

In case ye think a’m a scrooge
Tak time ti stop an think
Fit’s the purpose o aa iss spenin
Ither than bringin ye ti debt’s brink

It’s time fer a revolution
A time ti say stuff yer stuff
Resist the aa empowerin persuasion
Pit the retailers in a huff

Celebrate Christmas? Of coorse we shud
Yet think fit shud be deen
Raither than buy a material gift
Jist present yersel as a freen

©Bob Smith “The Poetry Mannie”
Image Credit: © Sergey Sundikov | Dreamstime.com

Sep 162011
 

By Bob Smith.

The fitfa’s up in yon Union Square
Aboot iss news I dinna really care
Wi material wealth I’ll hae nae truck
Fae me thae malls winna mak a faist buck

Tho’ fowk can spend ony wye they wint
At times a think their brains hiv got tint
Fair fleein aboot fae here ti there
Iss lemming like steer is hard ti square

Shoppies are placies I dinna like ti dally
So’s aa their spiel I dinna hae ti swally
A buy fit a wint then oot the door
Syne “faar ye gyaan” ma wife’ll roar

Some fowk o coorse wid bide aa day
Gyaan in blonde an cumin oot grey
They’re in the malls for aat lang
Peerin at windas throwe the thrang

Fashions noo are fair aa the rage
Ye maun hae the richt gear fitivver yer age
Wifies in ticht troosers wi erses richt fat
Some mannies ye winner fit the hell they’re at

Shoptill ye drap iss aa the malls cry
Even thingies nae nott they wint ye ti buy
Jist shove it aa on ti aat wee plastic card
Hiv some fowk’s brains aa turned ti lard?

Shoppin it wid seem is a national obsession
It’s aa aboot spendin an gettin possession
O as muckle stuff yer hairt dis desire
Afore oot yer body yer last breath dis expire

Aa the stuff fit ye’ve githered
Efter the money ye’ve shelled oot
A doot eence yer deid an beeriet
A fair puckle micht be chucked oot

©Bob Smith “The Poetry Mannie” 2011
Image Credit: © Brent Wong | Dreamstime.com